“Ковид-19″ цар тахлын үеийн харилцан ажиллагаа, хариу арга хэмжээ” дадлага сургуулилалтын мэдээллийн технологийн бэлтгэл байдлыг ханган ажиллалаа

Монгол Улсын Онцгой комиссын шийдвэр, Монгол Улсын Шадар сайдын 2020 оны 33 дугаар тушаалын дагуу “Ковид-19 халдварт цар тахлын үеийн харилцан ажиллагаа, хариу арга хэмжээ” сэдэвт дадлага сургуулилт энэ сарын 6-8-ны өдрүүдэд зохион байгуулагдана.

Дадлага сургуулилалтын бэлтгэл ажлыг ханган ажиллаж байгаатай холбогдуулан 5 сарын 01-02-ны өдрүүдэд Нийслэлийн Мэдээлэл, технологийн газрын хамт олон танхимын штабын болон Буянт-Ухаа спортын ордонд болох дадлага сургуулилттай холбоотой цахим хурлын систем, камержуулалт, харилцаа холбооны тоног төхөөрөмжийг суурилуулж шуурхай штабуудтай холбон бэлэн байдлыг ханган үйлчилгээг бүрэн хийж гүйцэтгэн ажиллалаа.

“Ковид-19 халдварт цар тахлын үеийн харилцан ажиллагаа, хариу арга хэмжээ” дадлага сургуулилалт гурван өдөр үргэлжилнэ.

НИЙСЛЭЛИЙН МЭДЭЭЛЭЛ, ТЕХНОЛОГИЙН ГАЗАР